Imam mkuu wa Masjid Mtoro, Sheikh Zubeir Mussa azikwa na mamia
Waziri Mkuu Kassimu Majaliwa amewaongoza mamia ya waumini wa Kiislam na wakazi wa Dar es Salaam katika maziko ya Imamu wa Msikiti wa Mtoro Sheikh Zubeir Yahya Mussa yaliyofanyika katika makaburi ya Kisutu na alifariki dunia usiku wa kumkia leo.
Sheikh Zubeir ni miongoni mwa masheikh maarufu Dar es salaam alifahamika sana kutokana na kuwa Imamu wa msikiti huo, ambao ni katika misikiti mikubwa na maarufu zaidi hapa nchini.
Pamoja na Uimamu wake, Sheikh Zubeir aliwavutia watu wengi sana kutokana na darasa zake alizokuwa akiziendesha kwa ufundi mkubwa katika msikiti huo wa Mtoro na maeneo mengine.
Sheikh Zubeir alikuwa ni katika masheikh waliojiweka karibu sana na jamii na kuwa na uhusiano mzuri na masheikh wenzake kutoka taasisi mbalimbali.
Sheikh Zubeir alipata elimu yake ya juu katika chuo kikuu cha Madina, (Ummul- Quraa) akiwa pamoja na Sheikh Juma Omar Poli, Sheikh Muharram Juma Doga, Sheikh Abdallah Ahmad Bawazir na wengineo.